Оваа година се навршуваат 78 години од борбата во село Пелинце и загинувањето на Ангел Лазаревски – Шајче и Трифун Ангеловски – Летеќи, борци на Кумановскиот одред, кои го остварија стремежот за победа над окупаторот и донесоа слобода на македонскиот народ.
Традиционалното одбележување е организирано од страна на Општинскиот одбор на Сојуз на борци од НОАВМ 1941-1945 година и граѓаните продолжувачи Куманово.
Денеска делегација од Општина Куманово, предводена од секретарот Гелевски и од Советот на Општината со претседателката Ѓорѓиевска положија свежо цвеќе пред споменикот од Народноослободителната борба во село Пелинце.
Почит на паднатите борци оддадоа и претставници на Сојуз на борци, семејството на Ангел Шајче, претставници од АРМ.
