Дејвид Питман (63) од Флорида, кој беше осуден за убиство на сестрата и родителите на неговата сопруга, со која беше во процес на развод, како и за палење на нивната куќа, беше егзекутиран синоќа, што е рекордна 12-та егзекуција во таа американска држава оваа година, објавува денес АП.
Питман беше егзекутиран со смртна инјекција во државниот затвор на Флорида во близина на градот Старк, врз основа на смртна потерница потпишана од гувернерот на Флорида, Рон ДеСантис.
Републиканскиот гувернер на Флорида потпиша повеќе смртни казни оваа година од кој било од неговите претходници.
Последната жалба на Питман претходно беше одбиена од Врховниот суд на Соединетите Американски Држави.
Тој беше осуден на смрт во 1991 година по три точки од обвинението за убиство од прв степен, според судските записи, а беше прогласен и за виновен за палење и голема кражба.