Сè уште се трага по исчезнатата кумановчанка

Сподели со своите пријатели

Полициските службеници и членовите на семејството веќе од 27 август активно се во потрага по седумдесет и едногодишната Душанка Митровска која исчезна од нејзиниот дом лоциран на улицата „Тоде Думба“ во Куманово.

1515

Loading...

Вечерта кога исчезнала истата била видена како се упатува кон населбата Гоце Делчев, а роднините велат дека според информациите кои ги добивале од граѓаните таа била видувана во близина на ООУ „Бајрам Шабани“ и градскиот пазар во Куманово, но потрагата во која се вклучени и кучиња трагачи засега не дава никакви резултати.

Митровска имала здравствени проблеми и претходно не излегувала во текот на ноќта без придружба од некој член на семејството, но вечерта на 27 август останала сама во домот по што и се губи секаква трага. Била облечена во пижами и сина блуза. Има кратка костенлива коса и средна височина.

Роднините се очајни и го губат трпението од ден на ден. Апелираат до сите граѓани кои мислат дека ја виделе да се јават на семејството на бројот 078 334 953 или во најблиската полициска станица.

 


Comments are closed, but trackbacks and pingbacks are open.