Зошто е добро да одиме боси?

Сподели со своите пријатели

Секако не постојано, но од време на време…Сигурно сте слушнале дека одењето боси е полезно, но исто така не можете да се решите да зачекорите боси по земјата, бидејќи се плашите од повреди.

Се разбира има причина за ваква грижа, но сепак одењето и особено трчањето со боси нозе може да ви донесе неочекувано голема полза. Тоа ќе ја подобри вашата техника на трчање, ќе чекорите постабилно и ќе ги зајакнете мускулите.

Нозете навикнати да одат само во чевли, имаат послаби мускули и како последица се изложени на поголема опасност од повреди и трауми, грчење на мускулите и сл.

Освен тоа е добро да се носат различни видови чевли. Во една иста форма и позиција секој ден нозете се напрегаат и недоволно се раздвижуваат сите мускули. Не треба да се претерува со ништо, ни со високите подпетици ни со равните чевли.

Кога сте боси, телото ги употребува максимално и сите мускули, кои не се активни кога сте со чевли или патики. Можете да пробате да тренирате боси и штом имате шанса да ги соблечете чевлите и извесно време да одите боси. Пробајте да одите боси колку може почесто – дома, во дворот, на плажа и сл.