Пандемијата се чини го смени начинот на размислување на богатите сопственици на автомобили во идејата дека не сакаат да чекаат со месеци додека да пристигнат нивните луксузни возила или суперавтомобили.
Наместо тоа, иако нивниот финансиски статус во голема мера е подобрен поради помалите трошоци за време на пандемијата, тие покажуваат поголем интерес за половни автомобили поради нивната непосредна достапност, што доведува до скок на цените.
Според Едмундс, во јуни цените на половните автомобили се зголемени за речиси 30% во споредба со минатата година. На пазарот на користени автомобили, суперавтомобилите како ограничената серија на McLaren 765LT се продаваат за 40% повеќе од нивната оригинална MSRP, што покажува дека луѓето ги сакаат и сега.
Како што објавија од Automotive News Europe, Rolls-Royce има шестмесечна листа на чекање за нови нарачки – иако од компанијата велат дека недостатокот на микрочипови не влијаел на производството.
Неограничените опции за прилагодување на компанијата и способноста на новите клиенти да ги специфицираат своите рачно изработени автомобили по свој вкус, веќе не се важни, бидејќи се повеќе луѓе се одлучуваат за користени возила.
Со купување на користени модели на Ролс-Ројс, клиентите избегнуваат и амортизација – Врајт губи 20% од својата вредност кога ќе го напушти застапништвото и 40% по пет години. И не само Ролс-Ројс е под влијание на оваа ситуација.
Помеѓу 2016 и 2021 година, ривалската луксузна марка Бентли забележа раст на продажбата на автомобили од втора рака од 53%, додека продажбата на нови автомобили порасна за 34% во истиот период.
За луксузни брендови како што е Бентли, сертифицираната сопственичка програма работи и како влезна точка за помладите клиенти поради пониските цени. Останува да видиме дали овој тренд ќе продолжи и во иднина или постпандемискиот свет ќе се врати на она што го сметавме за нормално.
