Светскиот шампион Германија триумфираше со олимписката титула во тимската трка во нордиска комбинација. Винценц Гајгер, Фабијан Рисле, Ерик Френцел и Јоханес Ридзек завршија за 46:09.8 минути по ски-скокови на голема скокалница и 4 по 5 километри крос-кантри скијање.
Бундестимот беше апсолутен фаворит откако Ридзек, Рисле и Френцел освоија прво, второ и трето место во индивидуалната трка од големата скокалница во Пјонгчанг, а Френцел ја зеде индивидуалната титула од малата скокалница.
Втор на 52,7 секунди заврши олимпискиот првак од Сочи 2014 Норвешка, а бронзата со заостанување од 1:07.8 минута ја заслужија Австријците, како и на Игрите пред четири години.
Тоа беше, исто така, тројката од последното Светско првенство во Лахти 2017 година.
Австрија тргна со предност од 6 секунди пред Германија, со 19 секунди пред Јапонија и со 27 секунди пред Норвешка по ски-скокови, но уште по првата смена, Гајгер го изведе Будестимот на врвот со 12 секунди пред Норвежаните и Австријците.
Рисле во голема мерка ја предреши борбата за првото место, откако во втората замена додаде уште 30 секунди до предноста на Германија, а по третата на Френцел, предноста на „панцирите“ достигна минута.
Непосредно пред тоа, Ридзек направи водство од скоро минута и пол, и на финалната прва го зеде националното знаме и заврши со него.
Во спорот за второто место Норвежаните и Австријците направија предност во најслабата, трета смена на Јапонија, а 2 километри пред крајот Јогрен Грабак нападна и го донесе среброто на скандинавците.
Германија ги освои златните медали во сите три трки од нордиската комбинација во Пјонгчанг, откако најуспешно се претстави Френцел со две златни и едно бронзено одличје.
Нордиска комбинација, тимови, ски-скокови и 4х5 крос-кантри:
1. Германија (Винценц Гајгер, Фабијан Рисле, Ерик Френцел и Јоханес Ридзек) – 46: 09.8 минути
2. Норвешка (Јан Шмит, Еспен Андерсен, Јарл Магнус Рибер, Јорген Грабак) – 47: 02.5
3. Австрија (Вилхелм Денифл, Лукас Клапфер, Бернхард Грубер, Марио Зајдл) – 47: 17.6
4. Јапонија – 48: 18.6
5. Франција – 48: 37.0
6. Финска – 48: 40.5. /МИА