Движењето Знам – За наша Македонија во недела ќе одржи промотивна конвенција со почеток во 13:00 часот во Спортско-рекреативниот центар „Кале“ во Скопје.
Како што истакна денеска на прес конференција, портпаролот на огранокот во Куманово, Стефан петковски, на конвенцијата ќе биде промовиран кандидатот за претседател Максим Димитриевски и носителите на пратеничките листи за шестте изборни единици.
– Македонија е исправена пред големи предизвици и по 30 години, за прв пат во историјата имаме можност да бидеме свои на своето. Пред нас се претседателските и парламентарните избори на кои ние самите ќе треба да одлучиме за својата иднина. Затоа да одлучуваме мудро, рече Петковски.
Како што потенцираше, на барање на голем број заинтересирани граѓани од Куманово, ќе биде организиран и бесплатен превоз за оние кои ќе сакаат да присуствуваат.
– На барање на голем број сограѓани, заради тешката социо-економска состојба и не се во можност самостојно да дојдат на конвенцијата, ќе има организиран превоз, во 11:00 часот, пред комплексот базени во Куманово. Ве очекуваме во што поголем број, додаде Петковски.
Никола Ивановски