ЖРК Куманово преку Пелистер до втора позиција во табелата (ФОТО)

Сподели со своите пријатели

Ракометарките на Куманово вчеравечер на домашен терен во рамките на Женската ракометна супер лига го совладаа составот на ЖРК Пелистер од Битола со резултат 28:27.

 

Loading...

 

Кумановки мечот го започнаа прилично доминантно и самоуверено и бргу направија солидна разлика над гостинскиот состав кој на моменти одеше со четири голови во позитива, а така се замина и на полувреме со резултат 17:13.

 

 

Второто полувреме беше извонредно за составот на Куманово, а гостинките се трудеа да ја достигнат резултатската негатива во која беа од самиот почеток, но сепак бесупешно. Во вториот дел од средбата ракометарките на Куманово имаа и предност од 6 гола над битолчанки. Сепак последните три минути ЖРК Пелистер полета и ја стопи разликата на еден поен негатива. Кумановки сепак покажаа дека можат да се носат со стрес ситуации и да погодат и кога сите тоа го очекуваат од нив. Со гол во последните секунди и аплаузи од трибините ЖРК Куманово впиша прва победа во вториот дел од сезоната со резултат 28:27.

 

Loading...

 

Најдобри во составот на Куманово беа Викторија Пеовска со 7 голови и Александра Боризовска со 6 реализирани погодоци. Во составот на Пелистер најефикасна беше Габриела Величковска.

 

 

Со победата над Пелистер, но и нерешениот резултат од натпреварот Металург – Вардар Јуниор, ЖРК Куманово моментално ја зазема втората позиција во табелата.


Leave a Reply