Ракометарките на Куманово остварија убедлива победа против составот на Деспина, откако на домашен терен вчера славеа со 43:19:4.
Избраничките на Ненад Краљевски убедливо го отворија наптреварот и тоа водство го задржаа до конечната победа. По рутиснката игра во првиот дел од средбата, на пауза заминаа со 22:7, кога веќе се знаеше кој е победникот.
Вториот дел од средбата имаа „мал тренинг“ со противникот и на крај запишаа победа со неверојатни 29 голови разлика.
Шанса на натпреварот добија сите ракометарки на тренерот Краљевски.
Одлична како и секогаш, со 9 реализирани погодоци најефикасна во Куманово е Мила Трајковиќ, а со два голови помалку зад неа е капитенот Александра Боризовска.
Во тимот на Деспина најефикасна беше Мери Конеска со пет погодоци.
ЖРК Куманово по 8 одиграни натпревари е на цврстата прва позиција во табелата без ниту еден пораз.
Веќе утре, ракометарките на Куманово се пред нов предизвик, овој пат на гостински терен со тимот на Вардар.
Никола Ивановски