Жена во Еквадор била прогласена за мртва, „оживеала“ додека ја подготвувале за погреб

Сподели со своите пријатели

Болница во Еквадор ја прогласила за мртва 74-годишната Бела Монтоја во петокот, откако била примена во болница поради последици од срцев удар.

Loading...

Неколку часа подоцна, семејството го отворило ковчегот и сфатило дека жената сѐ уште дише.

„Малку по малку го обработувам тоа што се случи. Сега сакам само да се подобри здравјето на мајка ми. Ја сакам жива и со мене“, рекол нејзиниот син Гилберт Балберан.

Жената сѐ уште е на одделението за интензивна нега и е под лекарски надзор, јавува Ел Универзо.

„Ни дадоа дури и потврда за смртта“

„Мајка ми е на кислород. Нејзиното срце е стабилно. Докторот и ја штипна раката и таа реагираше. Ми велат дека тоа е добро, бидејќи тоа значи дека тој реагира малку по малку“, изјави Гилберт.

ПРОЧИТАЈТЕ И:  Украдени полициски планови за обезбедувањето на Олимпијадата во Париз

Лекарот од болницата Мартин Иказа во петокот напладне му го предаде телото на семејството бидејќи, како што тогаш тврделе од болницата, таа починала.

„Ни дадоа дури и потврда за смртта“, изјави Гилберт, кој мораше да собира донации за да го организира погребот.

„Почна да ја движи раката, отворајќи ги очите, устата“

Бела останала во ковчегот од 14:00 часот до 18:30 часот, кога семејството го отворило ковчегот за да го подготви телото за будење.

Loading...

Тогаш нејзиниот син и остатокот од семејството сфатиле дека жената сѐ уште дише.

Видеото е објавено на социјалните мрежи, а на него се гледа како жената ја движи устата и се обидува да здивне.

ПРОЧИТАЈТЕ И:  Мелони по поразот на нејзината партија: „Не можам ни да се напијам бидејќи трае постот“

„Мама почна да ја движи левата рака, да ги отвора очите и устата. Се бореше да дише”, рекол Жилберт Балберан.

Локалните медиуми пишуваат дека настанот ја шокирал заедницата, и дека случајот треба да се истражи и санкционира бидејќи старицата можела жива да биде закопана.

Сè уште нема официјално објаснување, ниту од болницата ниту од Министерството за здравство се огласија за случајот.