Претседателот на Украина, Володимир Зеленски, со декрет воведе санкции за уште 198 личности од јавниот живот во Русија, објавено е на официјалната веб-страница на претседателот на Украина.
Уредбата стапува во сила со денот на објавувањето, пренесува ТАСС.
Документот е објавен во целост на веб-страницата, а меѓу санкционираните е веројатно најпознатото име на познатиот руски режисер Андреј Кончаловски, брат на претходно санкционираниот режисер Никита Михалков.
На црната листа се ТВ водителката Анџелина Вовк, поранешен претставник на самопрогласената Луганска Народна Република во Москва Родион Мирошник, воените дописници Семјон Пегов и Јуриј Котенок, како и многу други руски водители и новинари.
На списокот се и Украинци, новинарката и ТВ водителка Дијана Панченко, политичкиот аналитичар Васил Вакаров и писателот Владимир Сергејенко.
Санкциите беа воведени за период од 10 години и вклучуваат блокирање на банкарски сметки, забрана за влез во Украина, одземање на украинските државни награди, прекин на културната размена и соработка, како и други мерки.
Претходниот указ на претседателот Зеленски насочен против 117 личности од рускиот јавен живот стапи на сила на 7 јануари, а рускиот режисер Никита Михалков беше меѓу најпознатите санкционирани во тоа време.
Сите информации поврзани со најновите случувања со војната во Украина можете да ги прочитате ТУКА.