Украинскиот претседател Володимир Зеленски изјави дека војната „постепено се враќа“ во Русија неколку часа откако Кремљ го обвини Киев дека ја гаѓа Москва со дронови, последен во серијата напади.
Руското Министерство за одбрана соопшти дека во неделата биле пресретнати три беспилотни летала, но дека бил погоден деловен и трговски центар во западниот дел на главниот град.
Оштетени се петтиот и шестиот кат од 50-катницата, но нема повредени, јави државната новинска агенција „ТАСС“.
Видео снимката ги покажува урнатините, како и итните служби на местото на настанот.
– Украина е се посилна, а војната постепено се враќа на територијата на Русија, во нејзините симболични центри и воени бази – рече Володимир Зеленски во своето секојдневно обраќање и додаде дека „ова е неизбежно, природно и апсолутно праведно“.
Russian aggression has gone bankrupt on the battlefield. Today is already the five hundred and twenty-second day of the so-called “special military operation,” which the Russian leadership expected to last for a week or two. Ukraine is getting stronger. Gradually, the war is… pic.twitter.com/4JQczc3UfY
— Володимир Зеленський (@ZelenskyyUa) July 30, 2023
Портпаролот на украинските воздухопловни сили рече дека последните напади со беспилотни летала врз Москва имале за цел да влијаат на Русите кои, откако Кремљ ја нападна Украина во февруари 2022 година, мислеле дека војната е далеку.
– Секогаш нешто се случува во Русија, како и во Москва. Сега војната ги погодува оние кои не беа загрижени. Без разлика на тоа како руските власти би сакале да замижат пред ова, велејќи дека пресретнале сè… нешто е погодено – изјави портпаролот Јуриј Ихнат на украинската телевизија.
“Something is always flying in Russia, including in Moscow. There are those who are not ‘touched’ by the war – they are already affected.” – Yurii Ihnat, spokesperson for Ukrainian Air Forces, commented on recent drone attacks in Russia. pic.twitter.com/gi9FEtrket
— Anton Gerashchenko (@Gerashchenko_en) July 30, 2023
Сите информации поврзани со најновите случувања со војната во Украина можете да ги прочитате ТУКА.