Во среда, на маргините на Генералното собрание на Обединетите нации, украинскиот претседател Володимир Зеленски се очекува да биде во центарот на состанокот на Советот за безбедност, каде би можел да се сретне со рускиот министер за надворешни работи Сергеј Лавров за прв пат од почетокот на руската инвазија на Украина.
Во среда е планирана и средба меѓу Зеленски и германскиот канцелар Олаф Шолц. Тема ќе биде украинското барање за ракети Таурус, за кое Шолц досега молчеше.
Првото патување на украинскиот претседател во седиштето на Обединетите нации во Њујорк од почетокот на војната се сметаше за обид да ги придобие скептичните земји.
Исто така, Генералното собрание го започнува вториот ден од заседанието во среда, кога меѓу другите е закажан и говорот на италијанската премиерка Џорџа Мелони.
Овој понеделник, ОН започнаа самит посветен на Целите за одржлив развој.
Се очекува до вторник, со пауза во недела и понеделник, на генералната дебата да говорат повеќе од 140 шефови на држави и премиери.
Војната на Русија против Украина веројатно ќе игра важна улога во многу говори.
Сите информации поврзани со најновите случувања со војната во Украина можете да ги прочитате ТУКА.