Заврши реконструкцијата на повеќе улички во населбата Карпош Куманово, соопштија денеска надлежните од одделението за комунални дејности.
Дел од улиците се асфалтирани, на некои е поставено и бекатон. Според податоците на електронскиот систем за јавни набавки, набавките се завршени на крајот од август и почетокот на септември годинава.
Завршени се или како што информираа надлежните, привршува асфалтирањето и поставување на бекатон плочки на улиците „205“, „3“, „203“, „206“, „149“, „146“, „145“, „52“, „33“, „32“, „143“, „110“,„207“, 204″ како и улицата „620“ кон Проевце и „420“ во „Иго Тричковиќ“
– Изминативе години на дел од овие улици имаше гребен асфалт, тампон, но сега извршена е реконструкција со асфалт и се надеваме на поголема безбедност во сообраќајот за жителите од населбата. Опфатени се повеќе од десетина улички-изјави помошникот раководител на одделението, Момчило Јовановски.
Тој најави дека почната е реконструкција на дополнителни три улици во Агино село, од кои едната веќе е завршена, а останатите две се во фаза на реализација.
За улиците „1“, „2“ и „3“ во ова населено место, според податоците објавени на електронскиот систем на јавни набавки општина Куманово одвоила 1.598.128,67 денари за реконструкција на улиците, а договорот е склучен со избраната фирма „Кооп ИНЖЕНЕРИНГ“ Куманово.
Завршена е изградбата на улици во село Костурник.
МИА