Маж од Луизијана призна дека киднапирал геј тинејџер кој го запознал на ЛГБТК апликацијата за запознавање Grindr со намера да го убие и да му го распарчи телото.
Шанс Сенека (21) се изјаснил за виновен за киднапирање и намера да го убие Холден Вајт, кој имал 18 години во моментот на киднапирањето, за да ги „задоволи неговите убиствени нагони“.
Тој додаде дека планирал да продолжи да убива други луѓе додека не биде фатен од полицијата или не се самоубие.
Иако Вајт го преживеал нападот во 2020 година, тој беше во кома три дена.
Истата недела, Сенека се обидел да киднапира втор човек и успешно киднапирал трет.
„Мислев дека тоа е крајот“
Вајт и Сенека се запознале на Гриндар во 2020 година кога биле тинејџери.
Откако разговарале околу еден месец, тие решиле да се сретнат на крајот на јуни 2020 година во куќата на таткото на Сенека.
По првичниот разговор, Сенека му врзал јаже околу вратот на Вајт и почнал да го гуши.
„Мислев дека тоа е крајот. Последното нешто што си реков е да останам смирен. Постојано си велев да останам смирен”, изјави Вајт за NBC News.
Потоа Сенека ги повикал властите и му рекол на операторот дека го убил човекот затоа што сакал да заврши во ментална институција.
Полицијата го уапсила на местото на настанот и го товари за обид за убиство од втор степен.
Обвинителите во четвртокот рекоа дека Сенека може да се соочи со максимална казна доживотен затвор.