Јавното претпријатие „Чистота и зеленило“ од петок организира тридневна акција за собирање на кабаст отпад, во согласност со насоките од Министерството за животна средина и просторно планирање.
Акцијата ќе се спроведува од 12 декември и ќе трае до недела, со цел да се овозможи правилно и контролирано отстранување на големиот отпад од домаќинствата.
Големи контејнери за кабаст отпад ќе бидат поставени на три локации во градот: кај поранешниот „Шипад“ во населбата „Гоце Делчев“, на паркингот кај Градскиот базен и кај зградата на Противпожарната единица Куманово.
Од претпријатието апелираат граѓаните да го одложуваат стариот мебел и останатиот кабаст отпад исклучиво на овие локации и само во предвидениот тридневен период.
Целта, како што наведуваат, е да се подигне свеста и заеднички да се придонесе кон почиста и поуредна животна средина.
Никола Ивановски