17.08.2016 14:03

Започна реконструкцијата на Занаетскиот дом (галерија+видео)


Еден од најимпозантните и најпрепознатливи објекти во Куманово наскоро ќе блесне во нов сјај. Деновиве започна реконструкцијата на Занаетскиот дом, лоциран на самиот плоштад во строгиот центар на градот.

 

 

loading...

Денеска увид во работата на терен направи градоначалникот на Општина Куманово, Зоран Дамјановски, претставници од Секторот за урбанизам и локалната самоуправа.

Реновирањето, според Дамјановски требало да започне и претходно, но дел од истиот бил користен од Македонскиот архив, а сега со нивното иселување се створени услови да започне целосно менување на изгледот на овој објект.

Оваа здание има големо значење за живеењето низ историјата и архитектурата на Куманово, еден од најзначајните споменици, го опишуваат како кумановскиот Нотр Дам. Тендерската постапка е завршена, а проектот се води преку регионот, каде јас сум претседател на регионот, заедничка инвестиција со Општина Куманово вредна 15 милиони и 510 илјади денари – вели Дамјановски.

Реконструкцијата предвидува целосно внатрешно уредување, промена на столаријата, осветлување на просторот, а фасада, која е под заштита на Националната установа за конзерваторски услуги, па до крајот на месецот се очекува од нив да пристигне проектот за комплетно ресттаврирање на фасадата, а целиот проект треба да заврши до 11 ноември.

Се надевам дека во пресрет на големиот празник, ослободувањето на Куманово, ќе имаме пуштање, зависно од соработката со Националната установа, бидјеќи тоа е на државно ниво и тоа менување на фасадата е под културна заштита – додава Дамјановски.

Седум милиони денари се издвоени од Буџетот на Општина Куманово, а останатиот дел преку Североисточниот плански регион, каде членува и градот.


© Крадењето авторски содржини е забрането со закон. Преземањето на текстови и изјави во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со Кумановски Муабети, е строго забрането!

Последни наслови

Facebook Comments