Црниот Mercedes-Maybach S650 Guard е на Алишер Усманов, поранешен акционер на фудбалскиот клуб Арсенал.
Луксузен автомобил вреден 600.000 евра, кој е направен да издржи куршуми и експлозиви, е запленет на Сардинија како дел од санкциите на ЕУ против олигарсите кои се тесно поврзани со рускиот претседател Владимир Путин. Црниот Mercedes-Maybach S650 Guard е на Алишер Усманов, поранешен акционер на фудбалскиот клуб Арсенал, а неодамна беше запленет од полицијата во Порто Черво, пишува Corriere della Sera.
Италијанскиот весник шпекулира дека оклопното возило било користено за транспорт на Путин за време на тајните посети на Сардинија, популарна дестинација за руските олигарси, особено областа Порто Черво.
Усманов е почесен граѓанин на Аркахена, локалниот административен центар. Градоначалникот на Аркахена, Роберто Рагнеда, на почетокот на март изјави за италијанските медиуми дека Усманов редовно е домаќин на шефови на држави, бизнисмени и луѓе кои одиграле важна улога во економијата, културата и политиката на светско ниво.
Се наведува и дека Усманов донирал 500.000 евра на регионалните власти на Сардинија за помош во борбата против Ковид-19.
Локалниот весник L’Unione Sarda пишува дека на овој италијански остров бил запленет друг имот во сопственост на рускиот олигарх, вклучувајќи и имотен комплекс вреден 17 милиони евра во заливот Певеро, како и шест службени автомобили.