Заменик министерот Диме Спасов, ги повика вработените на непослушност

Сподели со своите пријатели

Заменик министерот за труд и социјална политика, Диме Спасов, испратил известување до вработените во министерството преку кое ги информира дека нивно право и должност е да не постапуваат по известувањето на новата министерка Фросина Ременски.

Loading...

„Ве информирам дека известувањето кое е испратено на 15 ноември 2015 година во 12 часот од страна на Наташа Методиева од кабинетот на техничкиот министер за труд и социјална политика Фросина Ременски, а во кое незаконски ви се укажува Вашите одговори на барања на граѓани да ги упатувате на одобрување кај лицето Мила Царовска, лице кое не е вработено во Министерството за труд и социјална политика, нема никаква правна сила и имате право и должност да не постапувате по него.

Исто така наведеното известување нема законски основ и форма и претставува прекршување на поголем број на законски одредби. Известувањето претставува груб обид за партизација на институциите и прекршување на правата и слободите на граѓаните, нешто што нема да го дозволам.

Постапувањето по тоа известување може да повлече законска одговорност.

Ве охрабрувам Вашите работни задачи, како и досега, да ги извршувате стручно и професионално, и да продолжите да работите во интерес на граѓаните, за што имате видливи резултати кои никој не може да Ви ги оспори“, се наведува во известувањето потпишано од Спасов.

Дел од медиумите блиски до власта претходно имаа наслови дека Ременски испратила барање до вработените сите одговори на прашањата од граѓаните претходно да бидат одобрени преку нејзиниот кабинет.


Comments are closed, but trackbacks and pingbacks are open.