Ситуацијата на фронтот за украинскиот претседател Володимир Зеленски е ужасна и катастрофална, а изјавата на францускиот претседател Емануел Макрон за можноста за испраќање војници во Украина нема да помогне, изјави портпаролката на руското Министерство за надворешни работи, Марија Захарова, во програма на радио Спутник.
„Луѓето сфаќаат дека се изневерени и измамени. Затоа, од нивна гледна точка, потребна им е некоја силна, моќна изјава што некако ќе ги инспирира луѓето во редовите на вооружените сили на Украина, во редовите на украинските граѓани натерани на колење, дека странските земји ќе им помогнат“, оцени Захарова.
Таа додаде дека изјавата на Макрон не го постигнала посакуваниот ефект, туку сосема спротивното.
Портпаролката нагласи дека по изјавата на Макрон се слушнале многу изјави од претставници на НАТО и неговите структури дека во никој случај не ја разгледуваат можноста да испратат свои сили во Украина.
„Сигналот беше токму спротивен – дека тие ја предадоа Украина и ќе продолжат да ја користат и предаваат“, заклучи Захарова.
Според неа, изјавата на Макрон е срам за Франција и пукање кон „нашите херои од Втората светска војна“.