И покрај забранетиот пристап со автомобили на ул. 11 Октомври и ул. Тодор Велков и известувањето од РЦУК Куманово за подигната борбена готовност, утринава на двете улици се отворени и работат сите институции кои се сместени во посочените улици, со слободна фреквенција за граѓани и пешаци.
СВР Куманово останува без информации за тоа што се случува, со упатување на новинарските екипи да се обратат до МВР Скопје.
Освен зголемено полициско присуство, на терен е мирно. Нема истрели, нема специјални единици и граѓаните од страна на полицијата се замолуваат да не се крева тензија без посебна причина.
Во тек е состанок на Отсек за превенција за менаџирање на матурските прослави и безбедност на учениците, со одложување на сите културни настани во деновите што претстојат.
Учениците се во училиштата, градинките работат и нема најави за прекин на наставата.