Забраната за пушење на затворени тераси сепак останува на сила

Сподели со своите пријатели

Мнозинството во Комисијата за здравство сепак кажа „не“ на предлогот на опозицијата, забраната за пушење да не важи за терасите од кафулињата и рестораните на кои во текот на летниот период се пушти, а во зима се затвораат од сите страни.

Социјалдемократите велат дека нема логика забраната да варира во зависност од временските услови и предлагаат објектите во зима да не се сметаат за затворени, а сопствениците да се потрудат да обезбедат добра вентилација.

Од мнозинството во комисијата сепак одговор дека доколку им се допушти тоа на угостителите, веднаш ќе биде злоупотребено, а од друга страна СДСМ укажува дека законот и онака никој не го почитува и сега, па ниту оние кои го донеле.

Аргументите со кои СДСМ истапи беше и дека тутунот е стратешка култура во Република Македонија и дека нејзиното производство не смее да згасне, но истакнаа и дека нема анализа за позитивните ефекти од овој закон.

Секако следеа и контра – аргументи на ВМРО, дека во последните години тутунот има добар пласман, цена и субвенции, а за здравствената анализа од законските регулативи ќе се знае по 20 години.

извор: Телма

Comments are closed, but trackbacks and pingbacks are open.