На подрачјето на Хрватска во близина на граничниот премин Товарник, од српска страна заклучно со вчера влегле вкупно 5.650 бегалци, соопшти Министерството за внатрешни работи на Хрватска, пренесува агенцијата Анадолу.
Бегалцицте се згрижуваат од страна на Црвен крст при што им се обезбедува храна, вода и потребна помош.
Во наредните денови се очекуваат уште 4.000 бегалци. Тие ќе бидат сместени во центри во Јежево, Кутина, Сисак и Товарник. Уште еден воз утрово од Товарник стигнал во Дуго Село, од каде ќе бидат префрлени во Регистрацискиот центар во Јежево, јави Хрватската радио-телевизија.
Во Дуго село покрај Загреб, утринава околу 5 часот, пристигна нов воз со 800 бегалци од Товарник.
Се очекува, бегалците и во наредните денови а кои во моментот се наоѓаат во Србија да навлегуваат на хрватска територија со оглед дека на српска страна се наоѓаат голем број бегалци, не само на затворениот дел на границата кон Унгарија, туку и нови групи кои доаѓаат од Прешево, првин преминувајќи низ Македонија.