Уметничката слика на Сача Џафри, која го држи Гинисовиот рекорд како слика направена на најголемото платно, беше продадена за 62 милиони долари на аукција во Дубаи.
Сликата „Патување на човештвото“ е исто така втора најскапа слика на жив уметник некогаш продадена, а е насликана на големо платно на подот од салата за танцување на хотелот „Атлантис“ во Дубаи, пренесува Ројтерс.
Создавањето на сликата траело седум месеци, а платното било поделено на седум дела, кои сите ги купил Андре Абдун, француски државјанин, кој живее во Дубаи и продава криптовалути.
Абдубн рекол дека има планови со сликата и дека се надева дека ќе заработи уште повеќе на неа за да им даде дел на хуманитарните слики, но не откри за што станува збор.
„Целта е секогаш да се променат животите на децата ширум светот и да се започне човештвото“, рече Џафри.
На прво место, како најскапа слика на жив уметник во 2018 година, слика од Дејвид Хокни „Портрет на уметник“ од 1972 година е продадена за 90,3 милиони долари.