Вучиќ: Референдумот е ваше право, не сакаме да се мешаме во внатрешните работи

Сподели со своите пријатели

Што се однесува до рефенредумот, јас не сакам да се мешав во внатрешните работи на други земји, тоа е ваше право, рече претседателот на Република Србија, Александар Вучиќ, одговарајќи на новинарско прашање при денешната средба со премиерот на Македонија Зоран Заев на граничниот премин Табановце – Прешево.

– Не сакам да се мешаме во внатрешните работи на други земји, но секогаш позитивно ќе реагираме ако нашите пријатели и соседи се договараат и ги решаваат проблемите, тоа се работи против кои никогаш нема да имаме нешто против. Дали ние се радуваме или сме задоволни што Скопје и Атина ќе го решат проблемот, секако дека тоа е добра вест и за Белград и за Србија, рече Вучиќ.

На прашањето дали ќе ги повика граѓаните од српската заедница во Македонија да излезат на референдумот во септември, Вучиќ рече дека тоа би било не фер и директно мешање во внатрешноста на државата.

– Мислам дека се што допринесува на регионалната стабилност, а решавање на конфликтите помеѓу Скопје и Атина, секако допринесува за регионална стабилност и е од значење за целиот регион и уверен сум дека луѓето тоа ќе го поздрават, рече Вучиќ.

Македонија пак поддржува позитивно решение за Косово, рече Заев и додаде дека секое решение кое ќе ја унапреди благосостојбата на сите и ќе гарантира безбедност, мир и просперитет на целиот регион е значајна.

– Сите лидери да бидат обединети околу заеднички цели, а тоа е траен мир, економска соработка и членство во Европската унија, рече Заев.


Leave a Reply

Your email address will not be published. Required fields are marked *