Сагата ТикТок во Америка продолжува откако Врховниот суд ја забрани употребата на кинеската социјална мрежа во САД.
Сепак, новоизбраниот претседател Доналд Трамп се вклучува за да му помогне на ТикТок бидејќи, според него, тој е популарен на социјалната мрежа и тоа му помогнало да ги придобие помладите гласачи за време на претседателските избори.
Трамп побара од технолошките компании „да не го оставаат ТикТок во темнина“ и рече дека во понеделник ќе потпише извршна наредба за одложување на забраната за 90 дена.
Има мал со ова. Извршната наредба не може да ја поништи одлуката на Врховниот суд на која ѝ претходеше гласање во Конгресот. Или тоа е можно со Трамп? Дали извршната власт може да биде над законодавната власт?
Различни ставови во минатото
Можеби ТикТок е тест балон за Трамп за да одреди колкава моќ навистина има?
Дали е ова лажен тест? Дали може да нарача технолошки компании преку едноставна извршна наредба? Ако може, тогаш што може да го спречи? Каква е улогата на Министерството за правда во овој случај?
Сепак, твитот на Трамп од 2020 година, кога тој беше претседател на САД, потсетува како тој го означи ТикТок како закана за националната безбедност и повика на негова забрана.
Во август истата година, тој се обиде да го забрани ТикТок преку извршна наредба, но не успеа.
Сега е друга приказна. Целосно обратно.
ТикТок повеќе не е закана за американската национална безбедност, иако Врховниот суд одлучи така. Сега е добредојдена социјална мрежа.
Страв од злоупотреба на податоци и информации
ТикТок, во сопственост на кинеската компанија ByteDance, привремено престана да работи за своите 170 милиони американски корисници во неделата, дури и пред да стапи на сила законот за забрана, јавуваат агенциите.
Постојаното работење на апликацијата беше спречено поради загриженоста дека кинеските власти би можеле да ги злоупотребат американските податоци и информации.
Врховниот суд на САД во петокот го потврди законот со кој се бара ByteDance, сопственикот на TikTok, да ја продаде популарната апликација што ја користат речиси половина од Американците или ќе се соочи со забрана во земјата во недела поради загриженост за националната безбедност.
Трамп претходно изјави дека размислува за тримесечно одложување на забраната на ТикТок.
Откако Трамп го потврди ова, ТикТок рече дека платформата е „во процес на обновување на услугата“ и му се заблагодари на Трамп што „ја дал потребната јасност и уверување до давателите на услуги дека нема да бидат кривично одговорни за дозволување пристап на ТикТок до повеќе од 170 милиони корисници“.