Времето денеска ќе биде променливо облачно и посвежо со повремени врнежи од дожд, претежно во јужните делови од земјата, информираат од Управата за хидрометеоролошки работи.
Ќе дува слаб до умерен, а вдолж Повардарието повремено засилен северен ветер. Минималната температура ќе биде во интервал од 3 до 11, а максималната ќе достигне од 16 до 22 степени.
Во Куманово и околината денеска ќе имаме променливо облачно време со кратки сончеви периоди. Ќе дува слаб до умерено засилен ветер од северен, односно северозападен правец. Утринската температура ќе се движи околу 9 степени, а максималната дневна се очекува да достигне 19 степени целзиусови.
Утре во кумановско ќе имаме променливо облачно време со кратки сончеви периоди, но во одредени делови од денот и услови за појава на изолирана нестабилност со грмотевици. Ќе дува слаб до умерен ветер од југ, односно југозапад. Температурата ќе се движи од 11 степени во утринските часови до максимални 17 во текот на денот.
И за Први мај, Денот на трудот нема да може да се опуштиме целосно, затоа што времето ќе биде променливо со услови за грмотевици и мала нестабилност. Ќе дува слаб до умерен ветер од јужен правец, а температурата ќе биде во интервал од 9 степени во утринските часови до максимални 18 во текот на денот.
Иако неработен ден, и понеделник носи услови за променливо облачно време со нестабилност проследена со грмотевици. Ќе дува слаб до умерен ветер од јужен, односно југоисточен правец. Утринската температура ќе се движи околу седмиот степен, а максималната дневна се очекува да достигне 17 степени целзиусови.
Слично време ќе се задржи до првата половина на работната недела.
Никола Ивановски