Вратено телото на Израелецот киднапиран од палестински екстремисти

Сподели со своите пријатели

Израелската армија денеска соопшти дека телото на 17-годишниот Израелец, земено од палестински екстремисти од болница на Западниот Брег, е вратено на неговото семејство.

Loading...

Роднините на Тирана Фера, израелски Друзи, изјавија дека екстремистите во окупираниот град Џенин на Западниот Брег влегле во болницата во која Фера се лекувал по сообраќајна несреќа.

Екстремистите го исклучиле од уредот додека бил жив, според неговиот татко, и го однеле од болница.

Меѓутоа, израелската војска соопшти дека Феро веќе бил мртов кога бил киднапиран.

Инцидентот се закануваше дополнително да ги ескалира тензиите меѓу Израел и Палестинците.

Палестинските екстремисти претходно киднапирале Израелци или се обиделе да ги разменат телата на убиените за палестински затвореници, пренесува Бета-АП.

ПРОЧИТАЈТЕ И:  Нетанјаху бара продолжување на рокот за формирање Влада

Повеќе од 130 Палестинци се убиени во судирите меѓу двете нации оваа година, најмногу од 2006 година.

Судирите се интензивираа по серијата палестински напади оваа пролет во кои загинаа 19 лица во Израел.

Loading...

Израелската армија тврди дека повеќето од убиените биле екстремисти, но биле убиени и млади мажи кои протестирале поради рациите и оние кои не биле вклучени во судирите.

Уште осум Израелци беа убиени во новиот бран палестински напади во последните недели.

Во вчерашните две експлозии на две автобуски постојки во Ерусалим загина едно 16-годишно момче, а најмалку 18 лица се ранети.