Вооружените сили на Таџикистан беа ставени во состојба на готовност во четвртокот, за прв пат по независноста, за да проверат дали се подготвени за борба, соопшти канцеларијата на претседателот.
Во соопштението се прецизира дека 100.000 офицери и војници на таџикистанската армија и 130.000 офицери и војници од резервниот состав низ целата земја се ставени во готовност, пренесува Тас.
Инспекцијата беше нарачана и спроведена од претседателот Емомали Рахмон.
Претседателот пристигна во базата на Националната гарда по завршувањето на тричасовната операција наречена „Граница 2021“.
Проверката на борбената готовност опфати и 1.023 оружја, 3.167 моторни и специјални возила, 447 артилериско оружје, 234 противвоздушни системи и 45 воени и транспортни авиони и хеликоптери.
Обраќајќи им се на трупите, Рахмон рече дека ситуацијата во Авганистан останува многу напната и непредвидлива и дека во таа смисла на армијата, како и на другите служби, им е наредено да ја подигнат борбената готовност на највисоко ниво, со цел да се спречат реални и потенцијални закани и да преземат соодветни мерки за итни случаи.
По неговиот говор следуваше воена парада, на која присуствуваа 10.000 војници, припадници на други служби и резервисти.
Таџикистан се граничи со Авганистан, каде се интензивираа борбите меѓу владините сили и талибанците, откако американскиот претседател eо Бајден на 14 април објави дека решил да ја заврши најдолгата мисија на САД во странство во историјата.
Талибанците тврдат дека ја презеле контролата над скоро 85 проценти од територијата на земјата, вклучително и пограничните региони со пет земји – Иран, Кина, Пакистан, Таџикистан и Туркменистан.