Повеќе од 170.000 згради во Украина се оштетени или уништени откако Русија започна војна против земјата во февруари 2022 година, изјави денеска Олена Шулјак, претседател на парламентарната комисија за регионален развој и урбанистичко планирање во Киев.
„Според прелиминарните проценки на Економскиот факултет во Киев, досега повеќе од 170.000 згради се уништени или оштетени во војната“, рече Шуљак, пренесе агенцијата Укринформ.
Од таа бројка, 20.000 се однесуваат на станбени објекти.
Уништени училишта, аеродроми, мостови…
Според информациите, во руските напади биле погодени повеќе од 3.500 образовни институции и 420 големи и средни компании.
Уништени или оштетени се и аеродроми, 344 мостови и премини и 25.000 патишта.
Задачата не е само да се обноват и да се вратат зградите во првобитната состојба, туку да се обноват за да бидат посилни од порано, рече Шуљак.
Досега Москва истрела илјадници проектили кон Украина.
Освен уништувањето, во конфликтот досега се убиени околу 10.000 цивили.
Сите информации поврзани со најновите случувања со војната во Украина можете да ги прочитате ТУКА.