Во селото на Дедо Мраз оваа година нема никој, а желбите на децата се поинакви

Сподели со своите пријатели

На далечниот и снежен северен дел на Финска, посетителите обично се собираат во забавниот парк на Дедо Мраз, во потрага по возење санки со ирваси, замоци од снег и средба со Дедо Мраз кој ги исполнува желбите, но оваа година сè е поинаку.

Loading...

Поради ограничувањата на патувањето поради пандемијата оваа година, нема гужви во лапонскиот град Рованиеми, а веселата Божиќна земја на чудата делува како напуштен град на духови.

„Беше поинаква и тешка година“, изјави Дедо Мраз за Франс прес седејќи зад екранот со плексиглас вграден во неговата пештера.

Тој додаде дека неговите посетители ценат дека можат да заборават тешка година и да уживаат во радоста на Божиќ.

Оние што не можат да дојдат во Лапонија, сепак можат да купат разговор со Дедо Мраз на далечина, по цена од 79 евра за пет минути, а оваа услуга стана популарна.

„Луѓето најмногу ме молеа оваа година за среќа, здравје и повторно малку повеќе среќа“, иако децата сè уште сакаат играчки и игри, вели тој.

Од 80-тите години на минатиот век, градот Рованиеми, сместен на десетина километри јужно од Арктичкиот круг, е промовиран како „вистински“ дом на Дедо Мраз. Благодарение на тоа, финската Лапонија минатата година привлече рекордни 2,9 милиони туристи, претежно од Европа и Азија.

Оваа година, сепак, посетите се намалија на половина милион, повеќето од почетокот на 2020 година пред да се разгори пандемијата.

Loading...

Во нивната пештера, Дедо Мраз и неговата Ванила читаат некои од илјадниците божиќни писма што децата му ги испратиле, и покрај пандемијата.

Зарем затворените граници нема да создадат тешкотии при доставувањето на сите овие подароци?

„Имам одлични вести за тебе“, се смее Дедо Мраз, „ ќе биде Божиќ и оваа година“.

„Затоа, не заборавајте да бидете добри и уживајте во тоа сигурно.“


Leave a Reply

Your email address will not be published. Required fields are marked *