Едно лице загина, 10 се ранети, а четворица се чини дека се заробени под урнатините по руските ракетни напади во текот на ноќта во источниот украински регион Доњецк, изјавија во четвртокот украинскиот министер за внатрешни работи Ихор Клименко и регионалните власти.
Русија истрела шест проектили врз три града во регионот главно окупиран од руските сили, рече Клименко на апликацијата за пораки Телеграм.
– Под оган се најдоа Покровск, Новохродивка и Мирнохрад. Во гранатирањето се повредени 10 лица, меѓу кои и четири деца. Под урнатините се трага по уште пет лица – рече министерот.
Подоцна властите во Доњецк соопштија дека спасувачите пронашле едно тело, додека четири лица, меѓу кои и едно дете, се уште се под урнатините.
Во нападот се ранети и деца
Клименко рече дека меѓу ранетите има семејство со две деца.
Ранети се и двајца 13-годишници, рече тој, а оштетени се станбена зграда, девет приватни куќи, полициска станица, автомобили и гаражи.
Клименко рече дека полициска медицинска помош му помогнала на маж со повредено бебе да излезе од под урнатините.
Ројтерс не можеше независно да ги потврди деталите.
Офанзивните руски сили зазедоа голем дел од Доњецк и Русија соопшти дека има намера да го преземе целиот регион.
Украинската војска претходно во четвртокот соопшти дека нејзината противвоздушна одбрана соборила 14 од 20 беспилотни летала во руски ноќен напад.
Сите информации поврзани со најновите случувања со војната во Украина можете да ги прочитате ТУКА.