Во оваа држава бабите и дедовците можат да добијат надомест за грижата за нивните внуци

Сподели со своите пријатели

Во Шведска почна да се применува нов закон кој им дозволува на бабите и дедовците да добиваат платено родителско отсуство додека се грижат за своите внуци до три месеци во текот на првата година на детето.

Loading...

Спроведувањето на законот започна во понеделникот.

Шведскиот парламент на Риксдаг го одобри минатиот декември владиниот предлог за трансфер на родителски додаток, објави АП.

Тоа доаѓа 50 години откако Шведска стана прва во светот која воведе платено родителско отсуство за татковците, а не само за мајките.

Според новиот закон, родителите можат да префрлат дел од додатокот за родителско отсуство на бабата и дедото на детето.

ПРОЧИТАЈТЕ И:  Комунист на чело на францускиот парламент: Кој е Андре Шасин?

Родителска двојка може да префрли најмногу 45 дена на други, додека самохран родител може да пренесе 90 дена, објави Шведската агенција за социјално осигурување.

Родителскиот додаток во Шведска се плаќа за 480 дена или околу 16 месеци по дете.

Оваа такса се пресметува врз основа на целосен приход за 390 дена, додека за останатите 90 дена се добива фиксен износ од 17 долари на ден.

Loading...

Има и други бенефиции за родителите во Шведска – тие можат да работат и со скратено работно време додека детето не наполни осум години, додека државните службеници можат да добијат скратено работно време додека детето не наполни 12 години, пренесува Спутник.

ПРОЧИТАЈТЕ И:  КИНА: Пожар зафати трговски центар, најмалку 16 загинати (ВИДЕО)