Во Кина откриено ново жариште, најголема зараза по Вухан? (ВИДЕО)

Сподели со своите пријатели

Жариште на Ковид-19 откриено во Нанџинг се прошири во пет кинески провинции и Пекинг, а државните медиуми ја нарекоа „најголемата зараза по Вухан“.

Loading...

Според државните податоци, скоро 200 луѓе се заразени откако вирусот е откриен на аеродромот на 20 јули.

Сите летови од аеродромот Нанџинг ќе бидат суспендирани до 11 август, објави Глобал тајмс.

Официјалните лица, исто така, започнаа масовно тестирање по критиките за нивниот „неуспех“.

Сите 9,3 милиони жители на градот, вклучувајќи ги и оние што дошле да го посетат Нанџинг, ќе бидат тестирани, објави државната новинска агенција Ксинхуа.

Официјалните лица веруваат дека жариштето е поврзано со повеќе заразна, делта варијанта на коронавирусот и дека инфекцијата се шири поради откривањето на вирусот на прометен аеродром.

Вирусот се прошири во најмалку 13 градови. Управата на аеродромот доби укор, а дисциплинското тело на Комунистичката партија утврди дека има „проблеми, како што се недостаток на надзор и непрофесионално управување“.

Тестовите покажуваат дека вирусот сега се проширил во најмалку 13 градови, вклучувајќи ги Ченгду и главниот град Пекинг.

Loading...

Локалните власти во Нанџинг велат дека седум од заразените се во критична состојба. Некои на кинеските социјални медиуми ја доведоа во прашање ефикасноста на кинеската вакцина против варијантата делта.

Не е познато дали заразените биле вакцинирани. Голем број земји од Југоисточна Азија кои се потпираат на кинеската вакцина неодамна објавија дека ќе користат вакцини од други производители.

 


Leave a Reply