Во Кашмир автобус падна во провалија, најмалку девет загинаа

Сподели со своите пријатели

Најмалку девет лица загинаа денеска, а 27 други се повредени откако минибус падна во длабока провалија во индискиот дел на Кашмир, соопштија официјални лица, пренесува АП.

Loading...

Повеќе од 36 патници се наоѓале во автобусот кога се случила несреќата во областа Пунч во индиската држава Џаму и Кашмир, изјавија властите за индиските медиуми.

Наведено е дека спасувачките напори на армијата, полицијата и локалните жители се во тек.

ПРОЧИТАЈТЕ И:  Бројот на жртви од фудбалскиот стадион во Индонезија се искачи на 131

Минатиот месец автобус со членови на паравоена милиција во регионот Кашмир се лизна од планински пат и се преврте во река, при што загинаа шест лица, а повеќе од десет беа повредени, пренесува АП.

Секоја година на патиштата во Индија гинат или повредени стотици илјади луѓе.

Повеќето од несреќите се предизвикани од несовесно возење, лошо одржувани патишта и стари возила, наведува АП.