Дваесет и осум лица се осудени на затворски казни до 18 месеци за сајбер вознемирување на инфлуенсерка, уметнички агент за ријалити и ТВ личности и францускиот телевизиски колумнист Магали Бердах, што е најголемиот случај на сајбер-малтретирање во Франција досега, објави Би-Би-Си.
Обвинетите се казнети со парична казна од 700 евра и наредени да платат дополнителни 54.000 евра како отштета на својата жртва.
Парискиот суд прогласи 28 виновни за сајбер-малтретирање на Берда, што беше поттикнато од кампањата на францускиот рапер Буба, во која се тврди дека вознемирувањето имало последици по нејзиното ментално здравје.
Буба, чие вистинско име е Ели Јафа, ги негира наводите. Адвокатите на Берда рекоа дека објавите на Буба ги охрабруваат луѓето да испраќаат пораки со омраза и навреда до нивниот клиент преку социјалните мрежи, што раперот го негираше.
Судот изјави дека секој од обвинетите „свесно избрал да се придружи“ на сајбер-малтретирањето.
Обвинетите, на возраст од 20 до 49 години, добија затворски казни од четири до 18 месеци, од кои некои беа условни.
Бердах по изрекувањето на пресудата изјави дека животот и бил уништен две години поради навредливите пораки што ги добивала.
Во декември Буба негираше дека е шеф на онлајн „мафија“.
Раперот се најде на насловните страници во 2018 година, откако беше вмешан во тепачка на аеродромот во Париз со раперот Каарис, што резултираше и двајцата да добијат условна затворска казна од 18 месеци.
Берда треба да се појави на суд поради обвинение за перење пари, а нејзината маркетинг компанија Shauna Events е под истрага за измама.