09.09.2019 12:27

Во чест на Македонија, разгорен вечниот оган во Париз (ФОТО)

Facebook Twitter Google+

Вчера во Париз, во чест на  Денот на независноста на Република Северна Македонија „8 Септември“,  беше организирана традиционалната церемонија на „Разгорување на вечниот оган“ на споменикот на непознатиот војник –  под  Триумфалната капија.

По завршувањето на традиционалната свечена поворка, составена од наши иселеници и француски пријатели, Амбасадорката Чаушевска Димов со симболичен гест го разгори вечниот оган пред Споменикот на непознатиот војник во подножјето на Триумфалната капија.

loading...

Со овој чин на оддавање почит пред амблематичниот споменик на Франција,  Амбасадата на Република Северна Македонија го одбележа  Денот на независноста  во духот на пријателските односи  меѓу двете земји. 

Вечниот оган за прв пат е запален на 11 ноември 1923 година, а церемонијата на неговото разгорување се врши секој ден  точно во 18:30 часот.

Настанот беше овозможен од страна на  Унијата на асоцијациите „Огнот под Триумфалната капија – Оган на нацијата” и се организира за прв пат од осамостојувањето на нашата држава.


© Со преземање на содржината ги прифаќате Условите за преземање содржини
Loading...

Последни наслови

Facebook Comments