Властите на шпанскиот град Памплона се обидуваат да ги уверат жените дека ќе бидат безбедни во текот на трката со бикови во тој град, а се погласни се и повиците за бојкон поради случај на сексуален напад на една девојка пред две години.
Фестивалот започнува во петок, а градските челници започнале кампања под името „Памплона – без сексуални напади“.
Шпанскиот суд кон почетокот на годината за сексуално вознемирување осуди петмина мажи кои во 2016 година нападнале 18-годишна девојка. Тие се ослободени од обвиненијата за силување, а во јуни се пуштени со кауција што повторно предизвика протести.
КРВАВА ЗАБАВА: Бикови трчаа и маваа луѓе низ улиците (вознемирувачко видео)
Loading...
Овој фестивал скрена внимание на родовата нерамноправност во Шпанија, но и на сексуалните кривични дела за време на фестивалот поради што властите во градот започнаа борба во 2014. година, пренесува Ројтерс.
– Би сакала да им порачам на жените дека Памплона е град чии инсититуции и општество истакнуваат дека нема да дозволат напади, рекла членката на градскиот совет задолжена за безбедност Исар Гомес.
Ова сигурно е место со поддршка на општеството, институциите и полицијата, додава таа.
– Сега повеќе од било кога ние жените треба да ги исполниме улиците и ноќта затоа што имате уверувања дека на улиците жените се со вас, порачала Гомес.
Фестивалот на кој се одрѓува трката со бикови низ тесни улици во Памплона започнува во петок.