Владата на Шри Ланка бара огрнаичување на претседателските овластувања

Сподели со своите пријатели

Владата на Шри Ланка достави до парламентот предлог за уставни амандмани чија цел е да се воведат ограничувања на претседателските овластувања.

Loading...

Предлогот го даде министерот за правда Вијајадаса Рајапакса.

Според предлогот, дел од овластувањата на претседателот на Шри Ланка ќе му бидат предадени на Уставниот совет, кој го сочинуваат пратеници и истакнати неполитички личности.

Уставните амандмани ќе му дадат на Советот овластување да номинира кандидати за членови на независната изборна комисија, полицајци и службеници од јавниот сервис, како и истражители за мито и корупција.

ПРОЧИТАЈТЕ И:  На Судан му се заканува национална катастрофа поради поплави

Исто така, претседателот на државата може да ги именува државниот обвинител и гувернерот на централната банка само на предлог на советот.

За да биде усвоен предлогот треба да биде изгласан во парламентот со двотретинско мнозинство.

Доколку бидат одобрени од пратениците, амандманите ќе ги вратат демократските реформи спроведени во 2015 година.

Поранешниот претседател Готабаја Раџапакса, кој побегна од земјата по протестите и немирите минатиот месец, ги смени реформите и ја префрли власта на функцијата претседател откако беше избран во 2019 година.

Loading...
ПРОЧИТАЈТЕ И:  Иран: Тајно погребана тинејџерка убиена за време на протести

Актуелниот претседател Ранил Викремесинге претходно вети дека ќе ја ограничи моќта на претседателот и ќе го зајакне парламентот, како одговор на барањата на демонстрантите.