Времето денеска ќе биде сончево, топло и претежно тивко, информираат од Управата за хидрометеоролошки работи.
Максималната температура ќе достигне од 16 до 22 степена.
Во Куманово и околината денеска ќе имаме претежно сончево и топло време. Температурите ќе се движат од три степени во утринските часови до максимални 18 во текот на денот.
И утре времето ќе биде претежно сончево, со слаб до умерен ветер од северен правец. Утринската температура ќе изнесува три, а максималната дневна 16 степени целзиусови.
Недела носи благ пад на температурите. И натаму ќе имаме сончево време со умерен ветер од северен правец. Температурата во утринските часови ќе изнесува еден степен под нулата, а максималната дневна се очекува да достигне до 10 степени.
Слично време, со повторен пораст на температурите се очекува од стартот на новата работна недела.
Никола Ивановски