Времето денеска низ Македонија ќе биде сончево со мала до умерена облачност.
Ќе биде претежно тивко, а температурите ќе бидат во интервал од минимални -9 до максимални осум степени целзиусови.
Во Куманово и околината денеска ќе имаме сончево време во текот на денот.
Ќе дува слаб до умерен ветер од северозападен правец, а максималната дневна температура ќе достигне четири степени целзиусови.
Во текот на ноќта температурата ќе се спушти седум степени под нулата, поради што од УХМР за регионот на Куманово е издадено жолто метео предупредување за опасност од ниски температури.
Утре низ кумановско ќе имаме сончево време со слаб до умерен северен ветер.
Температурата во утринските часови ќе се движи околу -6 степени, а максималната дневна се очекува да достигне 6 степени.
Во недела ќе имаме исто така сончево и стабилно време.
Ќе дува слаб до умерен ветер од јужен правец, а температурата ќе се движи меѓу минимални -3 и максимални 8 степени целзиусови.
Слична прогноза ќе се задржи и во претстојната недела со благ пораст на температурите.
Никола Ивановски