Илјадници католички верници во Соединетите Американски Држави можеби ќе треба повторно да се крстат откако црквата открила дека свештеник користел погрешни зборови за време на неговото крштевање цели 26 години.
26 години парохискиот свештеник во Феникс, отец Андрес Аранго, за време на обредите на првата католичка тајна ги користел зборовите „те крштеваме во името на Отецот и Синот и Светиот Дух“, наместо „те крштевам“, како што наредил Ватикан.
Зошто разликата меѓу еднина и множина е толку важна, објасни Томас Џеј Олмстед, бискуп од Феникс.
„Не е заедницата која крштева личност и ја вградува во Црквата Христова, туку Христос, а само Христос претседава со сите тајни. Значи, Христос е тој што крштева“, рече тој.
Грешката на Аранг била откриена во средината на 2021 година, четвртина век откако тој почнал да служи како свештеник, изјави во вторникот за AFP портпаролката на бискупијата Кејти Бурк.
„Отец Аранго користел неточна терминологија од почетокот на неговото служење, сè додека минатото лето вниманието на епархијата не беше привлечено кон тоа“, рече таа.
Откако грешката излезе на виделина, Аранго ја напуштил својата претходна работа „за да се посвети на лекување и помагање на жртвите од оваа грешка“, рече Бурк.
„Епархијата тесно соработува со отец Аранг и окрузите во кои тој претходно работеше. Има повторно крштевање на сите оние кои ја примиле светата тајна на погрешен начин.
Епархијата отвори веб – страница каде што одговара на бројни прашања од збунетите и загрижени парохијани.
Тие меѓу другото прашуваат „Дали ова влијае на мојот брак?“ и „Дали морам да се исповедам?“