Христијанските верници денеска го празнуваат Велигден, а вчеравечер пред полноќ во Соборниот храм „Свети Никола“ во Куманово беше одржана и Велигденска богослужба која ја служеше митрополитот Кумановско-осоговски г.Григориј.
Стотици верници присуствуваа во дворот на Соборниот храм каде запалија свеќи и традиционално три пати кружеа околу црквата, се помогија за здравје, љубов и среќа, а сите имаа една желба – пандемијата да ја оставиме зад нас.
Верниците велат дека не ги плаши вирусот оти носеле заштитни маски, но велат дека ги радува фактот што во споредба со минатата година, оваа вечер беше без полициски час и можеа да го посетат храмот.
Нашиот фоторепортер беше во дворот на кумановскиот храм, а во продолжение проследете што забележа нашиот објектив.
Христос Восрексе – Навистина Воскресе.
Редакцијата на Кумановски Муабети ви го честита празникот.
Никола Ивановски