Италијанката Ана Бонаси и Австриецот Нилас Визмајр се закитија со златен медал на денешната трка во друмски велосипедизам која се одржа во Куманово во рамките на Младинската Олимпијада (ЕМОФ 2025).
Кај девојчињата со сребро се закити Ана Меусен од Белгија, а кај момчињата Лајан Кловис од Франција.
Бронзени медали како третопласирани во женска конкуренција осви Мелани Роу од Велика Британија, а во машка конкуренција Даниел Џет Дејвис.
Македонија имаше претставници во маша конкуренција, вкупно тројца, но за сите нив на официјалната веб страница на ЕМОФ, стои дека воопшто не ја завршиле трката.
Женската трка се одржа на релација Куманово – Челопек – Куманово во должина од 50 км, а учествуваа 85 натпреварувачи.
Машката трка на релација Куманово – Драгоманце – Куманово во должина од 60 км, со вкупно 99 натпреварувачи.
Никола Ивановски