По пауза од една година поради пандемијата на коронавирус, најголемото музичко натпреварување во Европа се враќа на голема врата.
Во малку поинакви услови од вообичаено со само 30% публика овогодинешниот град домаќин е Ротердам, Холандија благодарение на Данкан Лоренс кој ја однесе победата за Холандија во 2019 година.
Оваа година Евровизија ќе биде богата со 39 земји учеснички поделени во 2 полуфинални вечери и финалната вечер каде што место во финалето веќе обезбедија како и секоја година големата петорка односно земјите основачи на овој музички спектакл, Франција, Шпанија, Велика Британија, Италија и Германија, како и земјата домаќин Холандија.
Наш овогодишен претставник е Васил Гарванлиев со песната „Here i stand“ кој ќе настапи во првата полуфинална вечер.
Десетте најдобри песни според публиката и жирито од двете полуфинални вечери ќе обезбедат место во финалето.
Како и секоја година и оваа година се прогнозира кој ќе биде победникот на изборот, а годинава располагаме со многу добри и квалитетни песни па се очекува победникот да биде одлучен во последниот момент. Според обложувалниците и експертите најголеми шанси за победа имаат Италија, Франција и Малта.
Првата полуфинална вечер на изборот за песна на Евровизија е вечерва со почеток во 21.00 часот каде што ќе настапува и Македонија. Втората полуфинална вечер е во четврток на 20 мај, додека големото финале е закажано за 22 мај односно сабота од 21.00 часот.
М.Ф