Тим од американски воени лекари смислиле техника како да заспиете во рок од две минути, а според пишувањето на светските медиуми, во 96 отсто од случаите, методата е делотворна.
Уште во далечната 1981. година издадена е книгата „Опушти се и победи: Победнички потег“ во која авторот прв пат пишува за метода на спиењето која ја користат американски војници, а за која се смета дека секому може да помогне по шест недели вежбање за запловување во сон за помалку од 120 минути.
Оваа техника е смислена со цел да се реши проблемот на уморните пилоти кои поради ненаспиеност прават кардинални грешки на теренот. Методата вклучува свесно опуштање на мускулите, употреба на техниките за дишење и визуелизација, пишува Дејли мејл.
Првин е потребно да ги опуштите мускулите на лицето, вклучително и мускулите на вилицата, грлото и околу очите. Потоа е потребно да ги спуштите рамениците што пониско и да опуштите првин една, а потоа и другата рака.
Третиот чекор е рамномерното дишење, а потоа опуштете ги градите и на крајот нозете.
Кога телото целосно ќе се опушти, по десет секунди, треба да работите на умот и на тоа дека е неопходно целосно да го исчистите до се.
Експертите предлагаат три методи на визуелизација кои можат да ви помогнат при опуштањето:
– Замислете се дека лежите во чамец на мирно езеро, а над вас се наоѓа бескрајно сино небо.
– Замислете како сте во мека, црна лежалка во соба која е потполно темна.
– Обидете се за време на тие десет секунди да не размислувате за ништо.