Украина во четвртокот објави дека смета на „многу брзо искористување“ на рускиот замор во Бахмут, центарот на борбите на истокот на земјата каде руските сили, со помош на паравоената група Вагнер на линијата на фронтот, претрпеа тешки загуби.
Агресорот сака „да го земе Бахмут по секоја цена, и покрај загубата на персонал и опрема“, рече командантот на украинските копнени сили, Олександр Сирски, на Телеграм.
Руските трупи масовно мобилизирани во и околу Бахмут „губат значителна сила и се исцрпуваат“, додаде тој.
„Ќе ја искористиме оваа можност многу брзо, како што направивме во минатото во близина на Киев, Харков, Балаклија и Купјанск“, рече тој, наведувајќи ги претходните победи на украинската војска.
Тешко е снабдувањето на украински војници
Генералот Сирски уште еднаш ја пофали „натчовечката храброст“ на украинската армија во лицето на руската инвазија. Тој го изјави ова еден ден по втората посета на претседателот Володимир Зеленски за три месеци на оваа област на интензивни борби, каде што се појави „на линијата на фронтот“ заедно со украинските војници.
Руската армија, со паравоената група Вагнер, сега го опкружува Бахмут од север, исток и југ, што го отежнува снабдувањето на украинските војници. Но, тие даваат отпор, по цена на големи загуби и на украинската страна.
Бахмут пред војната имал 70.000 жители
Иако експертите ја оспоруваат стратешката важност на самиот град Бахмут, Москва би сакала да објави воена победа, по неколку неуспеси минатото лето и есента, што предизвика рускиот претседател Владимир Путин да мобилизира неколку стотици илјади резервисти, односно цивили, а потоа да назначи нов командант задолжен за операции во Украина.
Бахмут, кој пред војната имал 70.000 жители, денес е целосно уништен град и речиси целосно напуштен од цивилното население.
Сите информации поврзани со најновите случувања со војната во Украина можете да ги прочитате ТУКА.