Војната во источна Украина, во градот Бахмут, веќе подолго време е зафатена со жестоки борби и е една од главните воени цели на Владимир Путин.
Претседателот на Украина, Володимир Зеленски, во средата одлучи да го посети Бахмут како одговор на руските напади врз градовите и цивилите.
Русите веќе неколку пати бомбардираа цивили, а во средата беше бомбардирана и станбена зграда во Запорожје.
Во нападот загина едно лице, а 25 се повредени, јавува Би-би-си.
На снимката се гледа Зеленски во стар индустриски магацин каде ги одликува своите војници кои се на линијата на фронтот.
„Чест е да се биде овде денес, да се ракуваме и да ги почитуваме нашите херои од истокот на Украина“, рече Зеленски.
Иако експертите ја оспоруваат стратешката важност на самиот град Бахмут, Москва би сакала да објави воена победа, по неколкуте неуспеси минатото лето и есента, но Украинците не се убедени во нивниот успех поради големите загуби што ги трпат секојдневно.
Олександар Сирскиј, командант на украинските копнени сили, е убеден дека заморот и големите загуби ќе ги чинат Русите.
„Ќе ја искористиме оваа можност многу брзо, како што направивме во минатото во близина на Киев, Харков, Балакља и Купјанск“, рече Сирскиј.
BREAKING:
Zelensky travelled to the Bakhmut area today to issue state awards to some of Ukraine’s bravest soldiers holding the line against the Russian invaders.
Putin will never have the guts to go this close to the frontlines… pic.twitter.com/qV2ubZaB80
— Visegrád 24 (@visegrad24) March 22, 2023
Сите информации поврзани со најновите случувања со војната во Украина можете да ги прочитате ТУКА.