Украинските сили повторно ја презедоа контролата од Русија на неколку платформи за нафта и гас во близина на Крим, објави во понеделникот украинската воена разузнавачка служба ГУР.
Во објава на Телеграм, апликација за пораки, се вели дека силите на Киев повторно ги зазеле платформите познати како „Бојкови кули“ во „уникатна операција“, пренесува Хина.
Се вели дека платформите се окупирани од Русија од 2015 година, која го зазеде и анектираше Крим во 2014 година, а Москва ги користи за воени цели од почетокот на руската целосна инвазија на Украина во февруари 2022 година.
Русија се уште не го коментираше извештајот. Ројтерс не можеше независно да ги потврди информациите за ГУР.
„За Украина, враќањето на контролата над Бојкови кули е од стратешко значење и, како резултат на тоа, Русија ја изгуби способноста да ги користи за воени цели“, тврди ГУР во видео објавено на Телеграм.
„На Русија ѝ беше ускратена можноста целосно да ги контролира водите на Црното Море, а за Украина тоа значи многу чекори поблиску до враќањето на Крим“, се наведува.
За време на операцијата, објави ГУР, дошло до конфликт меѓу украинските специјални сили на бродовите и руски борбен авион, кој бил оштетен и принуден да се повлече.
ГУР, исто така, зароби и други „вредни трофеи“, како што се хеликоптерска муниција и радарски систем што може да го следи движењето на бродовите во Црното Море, се вели во извештајот.
Антон Герашенко, советник на украинското Министерство за внатрешни работи, рано во вторникот изјави дека враќањето на контролата врз Бојковите кули е важно бидејќи руските сили ги користеле структурите за „сите видови сензори за надзор, контрола и надзор, проширување на оперативниот дофат на Русија“ во Црното Море.
„Одбранбената разузнавачка служба на Украина ги лиши Русите од многу надзорни и разузнавачки способности со тоа што ги исфрли од овие кули. Овој чекор беше клучен не само во борбата на Украина за Црното Море, туку и за повеќе простор за нејзините крајбрежни и воздушни операции“, напиша тој.
Руските воени блогери во понеделникот тврдеа дека платформите не биле окупирани повеќе од една година и дека кратката операција на слетување на војниците на Украина врз објектите минатиот месец не била придружена со постојано воено присуство и била висока цена за украинските сили.
Пред Русија да го заземе полуостровот Крим, Украина влечеше значителен дел од својот природен гас од појасот на Црното Море, снабдувајќи го со гас не само Крим, туку и копнените региони на Украина.
Ukraine has regained control over the so-called “Boyko Towers” – Defense Intelligence of Ukraine.
“Boyko Towers” are gas and oil drilling platforms off the coast of occupied Crimea in the Black Sea. Russia occupied them in 2015 and used them for military purposes when the… pic.twitter.com/11h27ysI03
— Anton Gerashchenko (@Gerashchenko_en) September 11, 2023
Сите информации поврзани со најновите случувања со војната во Украина можете да ги прочитате ТУКА.