Крадците украле дел од остатоците од Махатма Ганди на 150-годишнината од неговото раѓање.
Пепелта е земена од спомен-обележје во централна Индија, каде се чува уште од 1948 година кога Ганди беше убиен од хинду-екстремист.
Крадците исто така го напишале зборот „предавник“ во зелена боја, користејќи фотографии од креаторот на индиската независност. Некои хинду екстремисти сметаат дека Ганди е предавник заради неговото застапување за хинду-муслиманско единство.
Полицијата во Рева, во државата Мадја Прадеш, ја истражува кражбата.
Мангалдип Тивари, чувар на споменикот во Бап Баван, каде се чува пепелта, рече дека кражбата е „срамна“.
– Ја отворив вратата на Баван рано наутро затоа што беше роденден на Ганди. Кога се вратив околу 23 часот, видов дека тие ги украле остатоците од Ганди и неговиот постер е уништен.
Полицијата презеде акција откако Гурмит Синг – лидер на локалната партија на Конгрес – поднесе пријава.
„Ова лудило мора да запре“, рече тој. „Ја повикувам полицијата на Рева да ги провери камерите поставени во Бапу Бавана“.
Ганди водел движење на ненасилен отпор против британското колонијално владеење во Индија, инспирирајќи ги луѓето ширум светот.
Повеќето Индијци сè уште го почитуваат како „татко на нацијата“. Но, хиндустичките екстремисти во Индија го обвинуваат Ганди дека ги предал Хиндусите затоа што тој се согласил да се раздели колонијална Индија кога Индија и Пакистан биле создадени како независни држави.
Тој беше убиен од страна на хинду-екстремист во јануари 1948 година. Беше кремиран по неговата смрт, но неговата пепел не беше фрлена во реката, во согласност со верувањето на Хинду.
Поради неговата слава, некои остатоци се сочувани на голем број места – вклучувајќи го и оној во Бапу Баван.